Повик за Акциски грантови за поддршка на локалните избори 2025

Општата цел на овој повик е да придонесе за зајакнување на демократијата во Република Северна Македонија преку подобрен изборен процес со фокус на зголемена транспарентност, кредибилитет и инклузивност.

Конкретна цел на овој повик е да ги зајакне граѓанските организации во нивното активно учество и ангажираност за инклузивни, транспарентни и отчетни локални избори со фокус на учеството на жените, младите и маргинализираните групи.

Во најава на претстојните Локални избори во 2025 година во земјата, овој повик има за цел да ги поддржи иницијативите кои ги зајакнуваат демократските практики и промовираат фер и инклузивни изборни процеси со вклученост на граѓанското општество во набљудувањето на изборите.

(1)   За да биде подобен за грант во рамките на овој повик, апликантот мора:

• да биде правно лице и
• да биде непрофитна организација и
• да биде регистриран во Република Северна Македонија согласно Законот за здруженија и фондации (ЗЗФ) и
• да биде регистриран најмалку две (2) години пред објавувањето на овој повик и
• да биде директно одговорен за подготовка и управување со проектот заедно со ко-апликантот(ите), а не да дејствува како посредник и
• да има докажано искуство во областа на набљудување и поддршка на избори, најмалку на едни локални/парламентарни/претседателски избори и/или да има најмалку еден проект за поддршка на изборниот процес и/или почитување на избирачките права и
• да ги има завршено следниве онлајн обуки од Академијата на ГРЦ (Обука за планирање проекти и пишување проектна апликација, Односи со јавност, Добро управување и Транспарентност и отчетност) и
• да го има пополнето Прашалникот за самооценка на организациските капацитети.

Ко-апликантите учествуваат во дизајнирањето и спроведувањето на акцијата, а трошоците што ќе ги прават се прифатливи на ист начин како и за апликантот.

Ко-апликантите мора да ги задоволат критериумите за подобност што важат за апликантот.

Доколку се додели договорот за грант, апликантот ќе стане корисник идентификуван како координатор. Координаторот ќе склучи Договор за грант со Договорниот орган и ќе го/ги претставува и дејствува во име на кој било друг ко-апликант (и) (доколку има) и ќе го координира дизајнот и спроведувањето на акцијата.

Доколку се додели договорот за грант, ко-апликантот(ите) ќе станат корисник(ци) во акцијата (заедно со Координаторот).