Мобилен ресурсен центар

Со цел да им се излезе во пресрет на што поголем број организации надвор од градовите во кои се наоѓаат трите ресурсни центри, еднаш месечно ќе се организира Мобилен ресурсен центар во различни градови. Преку нив, локалните организации ќе се информираат за случувањата во граѓанскиот сектор, за услугите на Граѓанскиот ресурсен центар, ќе имаат можност да стапат во контакт и да започнат соработка со други организации, а исто така ќе имаат простор да го споделат нивното искуство и предизвиците со кои се соочуваат.

Мобилен ресурсен центар ќе се организира во соработка со локална организација или институција која ќе има улога на домаќин. На овој начин, Граѓанскиот ресурсен центар ќе направи поширока мрежа на партнерски организации во повеќе градови низ земјата.

Организациите ќе имаат можност да влијаат на програмата на Мобилните ресурсни центри преку нивни предлози со пополнување на Прашалникот за утврдување теми.