ГРЦ Академија e дигитална и интерактивна образовна алатка во форма на онлајн обуки наменета за граѓанските организации.
Што е ГРЦ Академија?
ГРЦ Академијата им помага на граѓанските организации преку онлајн обуки и ресурси да ги продлабочат знаењата за темите кои се од важност за зајакнато, функционално и оддржливо граѓанско општество. На овој начин, вработените во граѓанските организации, активистите и волонтерите ќе можат да развијат експертиза и нови вештини во области кои се од нивен интерес и да инвестираат во својот личен развој.
Дизајнирана е да може да се вклопи во сечиј дневен распоред и да го олесни процесот на учење. На овој начин, вработените во граѓанските организации, активистите и волонтерите ќе развијат експертиза и нови вештини за темите од нивен интерес, а уште поважно, ќе инвестираат во својот личен развој.
Како изгледаат онлјан обуките?
Сите учесници по пријавувањето автоматски добиваат пристап до ресурсите за учење. Тие вклучуваат кратки видео предавања, квизови, ресурсни материјали и можност за дискусија со други учесници.
Онлајн обуките се организирани во модули кои се испраќаат по е-пошта. Секој модул е во времетраење од околу 30 минути и се распределени во текот на 2 недели и се отворени за секого.
Инструкторите се професионалци во полето на кое предаваат и содржините ги прилагодуваат врз актуелните текови.
Предавањата можете да ги следите кога сакате и како сакате. Тоа значи дека избегнувате пополнување на квота за обуката која сакате да ја слушате, патни трошоци и фиксно време на одржување на предавањето.
Стани член на ГРЦ Академија
Учесниците на ГРЦ Академијата ги избегнуваат незгодите од вообичаените обуки, како што се пополнување на квота за обуките, патни трошоци и фиксно време на одржување на предавањето.
Погледни ги обуките и приклучи се на заедницата која учи онлајн. Започнуваме со Обука за планирање проекти и пишување проектна апликација.
