Формирано Координативно тело за дистрибуција на социјални пакети во Гостиварско

Апр 2, 2020

Заради поорганизаирано справување со кризата и координација на хуманитарните и волонтерски активности, во некои општини во земјава се формираат координативни тела меѓу граѓанските организации. Еден од примерите е на подрачјето на Гостивар, Врапчиште и Маврово и Ростуша каде е формирaно Координативно тело за пристап и дистрибуција на хуманитарна помош. Со него претседава Лулзим Хазири, извршен директор на Асоцијација на демократски иницијативи-АДИ и координатор на ресурсниот центар во Гостивар, кој воедно е и член на општинскиот кризен штаб. Процесот на хуманитарен пристап е воден од Црвениот Крст-Гостивар.

Целта на ова тело е да го координира процесот на дистрибуција на социјалните пакети до семејствата и граѓаните на безбеден начин со што се намалуваат шансите за ширење на коронавирусот. Во Советот членуваат 10 локални организации, а досега ова тело има одржано три седници. Активистите и волонтерите коишто ќе ги носат хуманитерните пакететите до целните групи ќе бидат соодветно обучени на обука која ќе биде реализирана на 3 април 2020 година од страна на експерти од Институтот за јавно здравство.  Координативното тело обезбеди финансиска помош од Општина Гостивар со кои пари ќе се купат заштитни средства и опрема за волонтерите.

Ги повикуваме другите граѓански организации да не информираат дали се формирани вакви или слични координативни тела и во другите градови/региони од Македонија и каква е вклученоста на граѓанските организации во нив. Вашите коментари може да ни ги испратите на: info@rcgo.mk

Share This