Претставници од Граѓанскиот ресурсен центар од Скопје и Гостивар од 17 до 19 септември ги посетија Тетово, Велес и Прилеп, каде одржаа информативни сесии за новиот повик за доделување мали акциски грантови за застапување.
Заинтересираните учесници од локалните граѓански организации покрај деталите за повикот, добија и насоки за пополнување на формуларот и буџетот како клучни документи во процесот на аплицирање.
Сите заинтересирани граѓански организации кои немаа можност да бидат дел од овие информативни сесии, деталите за повикот можат да ги најдат во Упатството за аплицирање, а дополнителни прашања можат да испратат на [email protected] најдоцна до 27 септември 2019 година. Прашањата и одговори ќе бидат објавени на www.rcgo.mk на 4 октомври 2019 година.
Крајниот рок за аплицирање е 10 октомври 2019 до 16 часот.
Граѓанскиот ресурсен центар е проект финансиран од Европската Унија, а спроведуван од Македонскиот центар за меѓународна соработка (МЦМС) во партнерство со Асоцијацијата за демократски иницијативи (АДИ) од Гостивар и Медиа плус од Штип.
