Граѓанскиот ресурсен центар ги поканува сите заинтересирани да учествуваат на онлајн настанот „Советот – мост меѓу граѓанските организации и Владата” што ќе се одржи на 30 март 2021г. од 13:00 часот на платформата ЗООМ.
Целта на настанот е да се информираат граѓанските организации за улогата и важноста на Советот за соработка со и развој на граѓанскиот сектор, досегашното работење на Советот како и да се мотивираат и поттикнат здруженијата и фондациите организирано да пристапат кон изборот за нови членови.
На настанот ќе се обрати тековната претседателка на Советот, Фани Каранфилова-Пановска која ќе зборува за улогата на Советот, важноста на учеството на организациите во Советот како и за работењето на Советот во претходните три години.
За комуникацијата, консултирањето, вклучувањето и претставувањето на граѓанскиот сектор во Советот ќе зборува Сабина Факиќ, членка на Советот, а свое обраќање ќе има и Ирена Иванова од Делегацијата на Европска Унија.
Советот за соработка со и развој на граѓанскиот сектор е советодавно тело на Владата за унапредување на соработката, дијалогот и поттикнување на развојот на граѓанскиот сектор.
Советот беше формиран во април 2018 а во тек е отворениот повик за избор на нови членови на Советот од редот на здруженија и фондации.
На 22 март 2021, Генералниот секретаријат на Владата го објави јавниот повик за избор на 16 членови на Советот од редот на здруженија и фондации, а Сузана Никодијевиќ-Филиповска како претставник на оваа државна институција ќе овозможи повеќе детали за условите наведени во повикот како и процесот на избор на нови членови на Советот.
Регистрирајте се за учество на настанот
[wpforms id=”2963″]
По успешното регистрирање ќе добиете линк за најава на ЗООМ еден ден пред почеток на официјалниот настан.
Настанот е организиран во рамки на Граѓанскиот ресурсен центар, проект финансиран од Европската унија а спроведуван од Македонски центар за меѓународна соработка во партнерство со Асоцијација за демократски иницијативи, АДИ од Гостивар и Медиа плус од Штип.
