Разменети искуства меѓу грантистите на ГРЦ на работилница

1 Окт 2019

Грантистите на Граѓанскиот ресурсен центар (ГРЦ) учествуваа на дводневна работилница на која ги споделија своите очекувања од менторскиот процес, но и заедно работеа на финализирање на плановите за менторска интервенција. Некои од учесниците се потсетија, а други научија за низа техники и методи за работа во група, фацилитација и фацилитаторски вештини. Работилницата се одржа на 24 и 25 септември 2019 година во просториите на Македонски центар за меѓународна соработка, а учесници беа спроведувачите на партнерските грантови за организациски развој.

„Посветеноста и несебичноста при споделување на искуства и знаење, здружувањето на граѓанските капацитети се гледаше и чувствуваше за време на целата работилница. Искусните ментори и посветените корисници со сигурност ќе придонесат за развој на нови вредности во средините во кои се активни“, рече обучувачот Заге Филипоски. Тој додаде дека интеракцијата со учесниците и поставеноста на програмата прават да верува дека ова е вистински начин да се иницира општествена трансформација, што му претставува и лична мотивација.

На работилницата, претставниците од менторираните и од менторските организации имаа можност заедно да го подготват дизајнот за следните работилници. Тоа им овозможи да разменат идеи и искуства што пак уште повеќе придонесува за меѓусебно учење и развој.

разменети искуства меѓу грантистите

Валентина Атанасовска од Граѓанскиот ресурсен центар истакна дека грантистите имаат избрано навистина искусни ментори и менторски организации за спроведување на овие партнерски грантови. Таа додаде дека тие треба целосно да ја искористат понудената можност во следните четири до шест месеци и да ја развијат својата организација и интерните организациски капацитети.

Оваа работилница е дел од проектот Граѓанскиот ресурсен центар, финансиран од Европската Унија, а спроведуван од Македонски центар за меѓународна соработка во партнерство со Асоцијација за демократски иницијативи од Гостивар и Медиа плус од Штип.

Заинтересираните регионални експерти се информираа за повикот за избор на антени на ресурсните центри

Заинтересираните регионални експерти се информираа за повикот за избор на антени на ресурсните центри

Граѓанскиот ресурсен центар го презентираше повикот за избор на регионални експерти од граѓанското општество на пет информативни сесии во Битола, Струмица, Велес, Куманово и Струга во периодот од 13 до 22 март 2024 година. На овие информативни сесии присутните се...

Општина Чашка ги поддржува и е отворена за соработка со локалните организации

Општина Чашка ги поддржува и е отворена за соработка со локалните организации

На 19 март 2024 година, во салата на Советот на општина Чашка, локалните организации и активистите од оваа општина се информираа за актуелностите за развој на граѓанското општество на локално и национално ниво, можностите за финансирање и јакнење на граѓанските...

Граѓанските активисти од Полошкиот плански регион стекнаа знаења и вештини за пишување проектни апликации

Граѓанските активисти од Полошкиот плански регион стекнаа знаења и вештини за пишување проектни апликации

На работилница одржана на 20-21 февруари 2024 во Гостивар, Граѓанскиот ресурсен центар (ГРЦ) продолжи да ги јакне граѓанските организации на теми поврзани со планирање проекти и пишување на проектни апликации. На работилницата, граѓанските активисти, претставници од...

Share This