Граѓанскиот ресурсен центар (ГРЦ) во рамки на проектот “ЕУ поддршка за ГРЦ – фаза 2“, финансиран од Европската Унија, објавува отворен повик за учество на Работилница за Стратешко планирање 19-20 декември 2023 во Гостивар.
Услов за учество
Услов за учество на оваа работилница е претходно да ја имате поминато онлајн Обуката за Стратешко планирање.
За соодветно планирање на времето, ве молиме имајте предвид дека за да се помине оваа онлајн обука ви се потребни минимум 6 дена од денот на регистрацијата бидејќи онлајн обуката се состои од 3 модули кои ги добивате на период од два дена.
Работилницата за Стратешко планирање ќе им помогне на граѓанските организации да го зголемат нивното знаење за клучните концепти на процесот на стратешко планирање, разбирање и анализирање на интерните состојби во организацијата и надворешното опкружување во кое таа делува. Преку практичните вежби, учесниците ќе стекнат знаење и вештини за примена на практични алатки за внатрешна и надворешна анализа, формулирање на визија и мисија, како стратешки цели и приоритети на организацијата, а ќе се разгледаат и дискутираат и неколку различни формати за подготовка на Стратешки план.
Со цел да се обезбеди успех и резултати од градењето капацитети, после оваа работилница, со обучените организации ќе се спроведат последователни менторски активности за да се осигура дека предвидените резултати се финализирани.
Со цел да бидете подобро подготвени за работилницата ве молиме пополнете ја самооценката на организациските капацитети за вашата организација.
Пријава за учество
Заинтересираните треба да ја пополнат пријавата подолу најдоцна до 05.12.2023.
За активностите на ГРЦ
Дел од активностите преку кои Граѓанскиот ресурсен центар во рамки на проектот “ЕУ поддршка за ГРЦ – фаза 2“ ќе придонесе граѓанските организации да имаат подобри капацитети, долгорочно планирање, одржливост, видливост, застапување, ефективност и да работат на потранспарентен и поодговорен начин, меѓудругото, се:
- Обуки, консултации и менторство на различни теми, во живо и онлајн и
- Грантова шема – мали акциски грантови за поддршка на локални тематски иницијативи на мали граѓански организации во заедницата
Грантовата шема ќе биде директно поврзана со програмата за градење капацитети на проектот, односно за да бидат подобни, меѓудругото, апликантите за мали грантови ќе треба да имаат завршено најмалку една обука/работилница (онлајн или во живо) пред да аплицираат на повикот за грантови. Спроведувањето на оваа грантова шема начелно е планирана за 2025 година.
Овие активности се дел од проектот “ЕУ поддршка за ГРЦ – фаза 2“, финансиран од Европската Унија, а спроведуван од Национална фондација за развој на граѓанско општество Граѓански ресурсен центар, Македонскио
