Граѓанскиот ресурсен центар со задоволство ве поканува на онлајн настанот „Заштита на личните податоци – право на секој граѓанин“ кој ќе се одржи на 26 август 2020 година на платформата ЗООМ.
Фрејк Јанмат од Делегацијата на Европската унија ќе зборува на темата од ЕУ перспектива и искуства. За важноста на заштитата на личните податоци, новините во Законот за заштита на лични податоци и вклучувањето на Општата регулатива на Европската Унија за заштита на личните податоци во овој Закон ќе говорат Наташа Габер Дамјановска, директор на Академијата за судии и јавни обвинители и Билјана Волческа од Агенција за заштита на личните податоци. Хрватските искуства во оваа област ќе ги пренесе Станко Церин,претседател на Здружението за лични податоци од Хрватска.
Дискусијата ќе ја подигне свеста кај граѓанските организации, кај одговорните за контрола и обработка на податоците, како и кај општата јавноста за значењето на заштитата на личните податоци во секојдневниот живот. За улогата на граѓанските организации во овој процес ќе говорат Димитар Ѓеорѓиевски, „Прајваси“ Скопје; Елена Стојановска, Метаморфозис; како и Арбен Гудачи, Македонско здружение на млади правници.
| 11:30- 12:30 | ЗАКОНСКА РАМКА ЗА ЗАШТИТА НА ЛИЧНИ ПОДАТОЦИ – Фрејк Јанмат, Советник, Раководител на Сектор Економски прашања, градење институции, прекугранична соработка, Делегација на Европска унија – Наташа Габер Дамјановска, директор на Академијата за судии и јавни обвинители, поранешен уставен судија – Станко Церин, претседател на Здружение за лични податоци, Хрватска – Билјана Волческа, Раководител на Одделение за европска интеграција, проекти и пренос на лични податоци, Агенција за заштита на личните податоци Презентации и дискусија Фацилитатор: Александар Кржаловски, извршен директор, Македонски центар за меѓународна соработка |
| 12:30-13:30 | УЛОГАТА НА ГРАЃАНСКИТЕ ОРГАНИЗАЦИИ ПРИ ЗАШТИТА НА ЛИЧНИТЕ ПОДАТОЦИ – Димитар Ѓеорѓиевски, претседател на Национално здружение за промоција на правото за заштита на личните податоци ПРАЈВАСИ Скопје – Елена Стојановска, Метаморфозис – Арбен Гудачи, правник и офицер за заштита на личните податоци во Македонско здружение на млади правници Презентации и дискусија Фацилитатор: Валентина Атанасовска, координатор на РЦи, Македонски центар за меѓународна соработка |
Регистрирајте се за учество на настанот
Настанот е дел од програмата Граѓански ресурсен центар финансирана од Европската Унија, а ја спроведува Македонскиот центар за меѓународна соработка во партнерство со Медиа плус, Штип и Асоцијација за демократски иницијативи – АДИ, Гостивар. Дополнително, настанот е инициран и организиран во соработка со Националното здружение за промоција на правото за заштита на личните податоци „Прајваси“ Скопје.
