Во текот на месец декември Граѓанскиот ресурсен центар како дел од активноста за поддршка на работата на државните институции релевантни за развој на граѓанските организации, спроведе онлајн-анкета за мапирање на мрежи на ГО, во која учествуваа 113 граѓански организации.
Анкетата имаше за цел идентификување на мрежите, коалициите и други здружувања на граѓански организации, како и директен придонес кон спроведување на Стратегијата што ќе придонесе кон активно вклучување на тематските мрежи на граѓански организации во работни групи за изработка на прописи и стратешки документи кои ги подготвува Владата и другите органи на државната управа.
Со оваа анкета беа идентификувани вкупно 69 активни мрежи кои дејствуваат на територијата на Македонија, а нивните контакт податоци заедно со другите наоди од анкетата се објавени во Извештајот од анкетата за идентификација на мрежите во Република Македонија.
Граѓанскиот ресурсен центар е проект финансиран од Европската Унија, а спроведуван од Македонскиот центар за меѓународна соработка (МЦМС) во партнерство со Асоцијацијата за демократски иницијативи (АДИ) од Гостивар и Медиа плус од Штип.
