Светскиот ден на Невладините организации е ден посветен на оддавање признание на милионите граѓански активисти ширум светот, со особена почит кон критичната улога што непрофитните и невладините организации ја играат во поттикнувањето на здрав, безбеден и правичен свет.
Одбележувањето на овој ден е прилика да се подигне свеста за виталната работа на граѓанските организации и да се мотивираат луѓето да ги поддржат. Денот треба да поттикне почитување на неуморните напори на граѓанските организации и луѓето кои ги поддржуваат во нивните напори да ги пополнуваат суштинските празнини во обезбедувањето услуги, да се залагаат за ранливите популации и реагираат на кризи каде што владите или приватните субјекти можеби не можат или не сакаат да дејствуваат.
Додека го славиме денот, да потсетиме дека работата на граѓанските организации не е лесна. Тие се соочуваат со низа предизвици – ограничено финансирање, недоволна препознаеност па дури и политички пречки. Затоа е толку важно вклучувањето: без разлика дали преку донации, волонтирање или едноставно подигање на свеста, сите ние и како организации и како поединци можеме и мораме да дадеме придонес и поддршка во нивните неуморни напори и во нивната мисија да го подобрат квалитетот на животот на сите во светот.
Граѓанскиот ресурсен центар е вклучен во напорите да ги инспирира луѓето што поактивно да се вклучат во граѓанското општество и да поттикне поголема симбиоза помеѓу граѓанското општество, јавниот и приватниот сектор, промовирајќи човекови права и поттикнувајќи одржлив развој, испраќајќи јасна порака дека од активностите на граѓанските организации не само што имаат корист заедниците на кои им служат, туку истите придонесуваат и за глобалната стабилност и безбедност.
