Македонскиот центар за меѓународна соработка (МЦМС) со задоволство ве поканува на дебатата со наслов „30 години граѓанско општество“ што ќе се одржат на 29 септември 2021 од 12:00 часот, во хотел Александар Палас во Скопје и онлајн, односно ќе биде организирана во хибриден формат.
Во духот на одбележување 30 години независност на државата, дебатата ја посветуваме на развојот на граѓанското општество, граѓанскиот активизам и трендовите во функционирањето на граѓанските организации во последните 30 години. Преку анализата изготвена од Наташа Габер Дамјановска ќе ги опфатиме промените во овозможувачката средина за развој на граѓанското општество, и тоа во правната, регулаторната и финансиската средина, како и во соработката со државните институции и сл. На настанот ќе дебатираме за клучните постигнувања но, и за научените лекции од 30 години граѓанско општество, а ќе завршиме со патот на граѓанското општество во иднина.
Поради ситуацијата предизвикана од пандемијата со КОВИД-19, настанот ќе биде организиран во хибриден формат, во живо и на платформата ЗООМ. Дебатата ќе се одвива на македонски јазик со обезбеден превод на англиски и албански јазик. Поради логистички и други аспекти, би Ве замолиле да пријавите учество најдоцна до 27 септември 2021 година. Бројот на места за учество во живо е ограничен и ќе бидат прифатени само првите 40 пријавени лица.
Ова е завршен настан на Граѓанскиот ресурсен центар, проект финансиран од Европската Унија, а спроведуван од Македонскиот центар за меѓународна соработка во партнерство со Асоцијацијата за демократски иницијативи, Гостивар и Медиа плус, Штип.
По успешното регистрирање, учесниците кои се регистрирани за онлајн учество ќе добијат линк за најава на ЗООМ еден ден пред почеток на официјалниот настан.
