Граѓанскиот ресурсен центар ве поканува на практичен и интерактивен настан посветен на користење на вештачката интелигенција (AI) во работата на граѓанските организации. Настанот ќе се одржи онлајн на 16 април 2026 година од 14:00 часот.
Во услови на ограничени ресурси, зголемени барања и потреба за поголемо влијание, AI алатките претставуваат моќна поддршка за зголемување на ефикасноста, квалитетот и иновативноста на организациите. Овој настан има за цел да ги доближи AI алатките до граѓанските организации на јасен, практичен и применлив начин.
Што ќе научите?
- Како да користите ChatGPT и Claude за развивање проектни идеи, креирање содржина и планирање активности
- Како да користите Perplexity (Sonar) за истражување фондови, политики и трендови
- Како да работите со NotebookLM за анализа на документи, стратегии и извештаи
- Како да креирате кампањи и визуелни содржини со Gemini и Canva AI
- Како да интегрирате AI во вашите проекти, услуги и дигитални социјални иновации
Настанот е структуриран со кратки објаснувања, демонстрации на алатките и конкретни примери од работа на граѓанските организации. Целта е учесниците да добијат знаења кои можат веднаш да ги применат во својата работа.
Дневен ред
| 14:00-14:10 | Вовед |
| 14:10-14:25 | Chat и Reasoning модели (ChatGPT и Claude) Што се chat модели, а што reasoning модели Разлики и кога се користат Практични примени во ГО |
| 14:25-14:40 | Алатки за истражување (Perplexity/Sonar и NotebookLM) Разлика помеѓу класично пребарување и истражување користејќи дигитални алатки Користење на Perplexity (Sonar) Користење на NotebookLM |
| 14:40-14:55 | Креативни алатки (Gemini/Nano Banana и Canva AI) Како вештачката интелигенција помага во комуникација и видливост Креирање кампања Генерирање текстови и идеи Дизајн на постер/социјален пост Брзо визуелизирање на идеи |
| 14:55-15:10 | AI во дигитални социјални иновации Интегрирање на вештачката интелигенција во ГО |
| 15:10-15:30 | Прашања и дискусија |
Зошто да учествувате?
- Ќе заштедите време во секојдневната работа
- Ќе го подобрите квалитетот на проектите и комуникацијата
- Ќе откриете нови можности за дигитални социјални иновации
- Ќе стекнете практични вештини за користење на AI алатки
Линк за вклучување на настанот ќе биде испратен на заинтересираните лица кои ќе се пријават најдоцна до 14 април 2026.
Напомена: Не е потребно претходно техничко знаење. Настанот е дизајниран да биде разбирлив, практичен и применлив за сите.
Настанот е организиран во рамките на проектот „ЕУ поддршка за Граѓанскиот ресурсен центар – фаза 2” финансиран од Европската Унија, а спроведуван од Фондацијата Граѓански ресурсен центар во партнерство со Македонски центар за меѓународна соработка, Асоцијација за демократски иницијативи АДИ Гостивар и Медиа плус Штип.
