На 5 декември, светот и ние, го одбележуваме денот на волонтерите и волонтерството, феномени од исклучително општествено значење што треба да се поддржуваат и поттикнуваат. Волонтерството се заснова на доброволно дејствување на поединците во корист на други лица и заедници без финансиска корист за волонтерот. Колку е волонтирањето организирана и честа појава кај нас и каква е културата на волонтирање во нашата држава? Кои се „наградите“ за волонтирањето? Дали и зошто нашите граѓани (не) волонтираат?
Овие, и други прашања сакаме да ги разгледаме и продискутираме заедно со претставниците на граѓанските организации, други организатори на волонтерска работа и младите.
Граѓански ресурсен центар и Медиа плус, Штип ве канат да бидете дел од Дебатата што се реализира во рамки на проектот „ЕУ поддршка за Граѓански ресурсен центар – фаза 2” финансиран од Европската Унија. Настанот ќе се одржи на 5.12.2023 г. во Ресурсниот центар во Штип (Мултимедијален центар Канал 77, 3 кат, Петта партиска конференција 32).
За учесниците кои доаѓаат надвор од Штип ќе бидат покриени патните трошоци во висина на повратен автобуски билет.
АГЕНДА
| 10:45/11:00 | Регистрација на учесници |
| 11:00/11:10 | Отворање на настанот - Слободанка Блажевска, Ресурсен центар Штип, Медиа Плус Штип |
| 11:10/12:15 | Култура на волонтирање - како се гради, состојба и можности - Драгана Митровиќ, Ресурсен центар – Штип, Медиа Плус – Штип - Снежана Симоновска, Национална агенција за европски образовни програми и мобилност - Драган Маркоски, Мировен Корпус - Мирјанка Алексевска, Надворешен консултант Презентации и дискусија Фацилитатор: Валентина Величковска, Граѓански ресурсен центар |
| 12:15/12:30 | Пауза за кафе |
| 12:30/14:00 | Како да се подобри културата на волонтирање во граѓанските организации? Работа во групи и дискусија Заклучоци |
| 14:00/14:30 | Коктел |
Пријави учество
Овој настан е дел од проектот „ЕУ поддршка на Граѓанскиот ресурсен центар – фаза 2” финансиран од Европската Унија, а спроведуван од Националната фондација за развој на граѓанско општество Граѓански ресурсен центар, Македонски центар за меѓународна соработка, Медиа плус од Штип и Асоцијација за демократски иницијативи од Гостивар.
