Граѓанскиот ресурсен центар има чест да ве покани на онлајн дебатата „Учеството на граѓанските организации во креирање политики на локално ниво“, која ќе се одржи на 17 декември 2024 година (вторник) со почеток од 14:00 часот на платформата ЗООМ.
Настанот има за цел да поттикне дискусијата за улогата на граѓанските организации како катализатори на позитивни промени во заедниците и како тие можат да влијаат врз локалните политики за подобрување на квалитетот на животот во заедницата. Присутните локални организации ќе ги споделат своите успешни приказни и предизвици во застапувањето и нивното учество во креирање локални политики и стратегии. Учесниците ќе имаат можност да се стекнат со знаења за различните форми и механизми за учество во креирање политики, носење одлуки, комуникација со локалните власти и мобилизација на заедницата.
Настанот ќе послужи и за презентирање на новата онлајн алатка за промоција, поддршка и следење на иницијативи за застапување на граѓанските организации.
На настанот ќе учествуваат претставници на граѓанските организации, активисти и членови на локални иницијативи, како и секој заинтересиран за улогата на граѓанското општество во локалните политики.
АГЕНДА
| 14:00-14:20 | Форми на граѓанско учество, механизми за ефективно учество на граѓаните во донесување одлуки на локално ниво Златко Талевски – регионален експерт за Пелагонски плански регион во рамки на проектот „ЕУ поддршка за Граѓански ресурсен центар – фаза 2” |
| 14:20–14:45 | Улогата на граѓанските организации во процесите на донесување одлуки и капацитетите на граѓанските организации за ефективно застапување на локално ниво – практични примери и научени лекции Мери Нашоку – Младински културен центар Битола Самет Скендери – Институт за социјална промена ИнСоК Валентина Величковска – Граѓански ресурсен центар |
| 14:45–15:30 | Дискусија |
Пријавените учесници ќе добијат линк за да се вклучат на онлајн настанот.
Рок за пријавување: Најдоцна до 15 декември 2024 година. Пријави се на следниов формулар:
Настанот е дел од проектот „ЕУ поддршка за Граѓански ресурсен центар – фаза 2” финансиран од Европската Унија. Спроведуван е од Националната фондација за развој на граѓанското општество „Граѓански ресурсен центар“, Македонскиот центар за меѓународна соработка, Асоцијацијата за демократски иницијативи – АДИ, Гостивар и Медиа плус, Штип. Целта на проектот е зголемен капацитет и отпорност на граѓанските организации за тие да бидат компетентни, ефективни и отчетни независни чинители и околина која е погодна за граѓанското општество.ци ќе добијат линк за да се вклучат на онлајн настанот.
