Ресурсните центри од Скопје, Штип и Гостивар одржаа интерактивни информативни средби со ученици од локалните основни училишта на 27 декември 2019 година. Како „влезница“ за средбата, учениците донесоа рачно изработени украси од рециклирани материјали со кои ги украсија новогодишните елки на Ресурсните центри.
Учениците ги надградија нивните познавања за граѓанскиот сектор и граѓанските организации, се мотивираа за да волонтираат и размислуваа за тоа како можат активно да придонесат за заштита на животната средина.
Освен учењето, преку работа во групи имаа можност да ги споделат нивните искуства и размислувања по прашањата за заштита на животната средина, а потоа истите ги презентираа пред нивните соученици.
Учениците добија подароци од Ресурсниот центар кои ќе им помогнат да ја продолжат нивната амбиција за заштита на средината и волонтерството.
