Граѓанскиот ресурсен центар ги поканува сите заинтересирани да учествуваат на онлајн настанот „Важноста на соработката на бизнис заедницата и граѓанското општество за градење на подобро општество “што ќе се одржи на 29 септември 2020г. од 13:30 часот на платформата ЗООМ.
Претставници од граѓанскиот и приватниот сектор ќе говорат за досегашните искуства од соработката која ја оствариле и ќе понудат практични совети за мобилизирање ресурси. Всушност, оваа тема е од огромно значење за граѓанските организации кои работат на зголемување на својата одржливост и независност од типичните донатори. Настанот ќе понуди нова перспектива за оние организации кои досега не размислувале за мобилизирање локална поддршка од бизнисите, а од друга страна ќе даде конкретни информации за потенцијалот и можностите кои ги нуди ваквата соработа за оние здруженија кои се двоумат или се плашат дека ќе бидат одбиени.
АГЕНДА
| 13:30 - 13:40 | Отворање на настанот и воведно обраќање - Фрејк Јанмат, Делегација на Европска Унија - Валентина Атанасовска, Македонски центар за меѓународна соработка |
| 13:40 – 14:00 | Соработката меѓу бизнис заедницата и граѓанските организации за време на КОВИД-19 - Соња Бојановска, Тинекс - Душко Христов, Банка за храна |
| 14:00 – 14:30 | Можности за континуирана соработка меѓу бизнис секторот и ГО - Александра Петровска Горин, Фармахем - Бесир Дерњани, Фондација за развој на образование и култура АЛБИЗ - Љупчо Крстевски, Локална акциска група Преспа |
| 14:30 – 14:45 | Дискусија |
| 14:45 – 16:00 | Донациите и спонзорствата за градење на инклузивно општество - Никица Кусиникова, Конект |
Регистрирајте се за учество на настанот.
[wpforms id="2963"]
По успешното регистрирање ќе добиете линк за најава на ЗООМ еден ден пред почеток на официјалниот настан.
Настанот е организиран во рамки на Граѓанскиот ресурсен центар, проект финансиран од Европската унија а спроведуван од Македонски центар за меѓународна соработка во партнерство со Асоцијација за демократски иницијативи, АДИ од Гостивар и Медиа плус од Штип.
