fbpx

Стратегијата за соработка да има висока реализација на активностите во предвидениот рок

29 Јан 2019

Над 40 претставници на граѓански организации и државни институции учествуваа на дебатата на која се презентираше Стратегијата за соработка со и развој на граѓанскиот сектор 2018-2020 година како и динамиката за нејзино спроведување. Главните заклучоци се однесуваа на потребата од целосно спроведување на мерките од Стратегијата во предвидените рокови, подобро претставување на резултатите кои се постигнуваат, како и потребата од надворешно следење на спроведувањето од страна на граѓанските организации.

„Кај претходните владини документи кои содржински ги отсликуваа потребите за кои беа наменети, секогаш недостасуваше соодветно нивно спроведување, поради недостаток на финансии или на експертиза. Затоа сметам дека сега граѓанските организации се на потег и треба да размислуваат каде можат да придонесат во имплементацијата на Стратегијата“, рече во своето обраќање Ирена Иванова, од Делегацијата на Европска Унија.

Сузана Никодијевиќ-Филиповска, од Генерален секретаријат на Владата, детално ги презентираше целите, мерките, активностите и динамиката на нивното спроведување. Таа се надева дека овој документ ќе има подобри проценти на реализација споредено со претходните две стратегии.

Фани Каранфилова-Пановска, од Фондација Отворено општество Македонија и претседателка на Советот за соработка со и развој на граѓанскиот сектор, како клучни работи за чие спроведување треба сите да се посветат ги истакна: измените и дополнувањата на Законот за здруженија и фондации; анализата на даночното третирање на граѓанските организации; како и изработката на модел за државно финансирање на граѓанските организации.

Презентација на Стратегијата за соработка со и развој на граѓанскиот сектор 2018-2020 г.

„Понекогаш се добива впечаток дека претставниците на владините институции немаат лично чувство дека тука седат и се номинирани од своите институции за да дадат видување на институцијата од која доаѓаат во носењето на ставовите на целиот Совет. Меѓутоа, мислам дека тоа е промена на културата на работење“, рече Гордана Гапиќ-Димитровска, државен советник во Министерство за информатичко општество и администрација, и заменик претседателка во Советот. Таа наведе повеќе промени кои се во подготовка меѓу кои и зголемување на рокот на консултација на предлог законите поставени на ЕНЕР за уште пет денови, што ветува дека ќе стигнеме до европскиот тренд на рокови за консултации.

Никола Бертолини од Делегацијата на ЕУ ги повика присутните граѓански организации на акција, односно на организираност преку Советот и другите постоечки механизми на делување. Тој додаде дека Европската Унија, во иднина планира поголема поддршка на малите и средните организации, и особено оние кои се надвор од Скопје.

Погледни ја галеријата од настанот

Јавен повик за избор на 14 членови и заменици членови на Советот за соработка меѓу Владата и граѓанското општество од редот на здруженијата и фондациите

Јавен повик за избор на 14 членови и заменици членови на Советот за соработка меѓу Владата и граѓанското општество од редот на здруженијата и фондациите

Информативни сесии На 20 јануари 2025 година, Генералниот секретаријат на Владата на Република Северна Македонија објави јавен повик за избор на 14 членови и заменици членови на Советот за соработка меѓу Владата и граѓанското општество од редот на здруженија и...

Одржана обука за новите 14 грантисти за спроведување на локални иницијативи

Одржана обука за новите 14 грантисти за спроведување на локални иницијативи

На 26 декември 2024 се одржа онлајн обука за избраните грантисти на повикот за акциски грантови за локални иницијативи. На настанот беа обучени претставници на 28 организации, кои во следните девет месеци ќе спроведуваат акциски грантови за локални иницијативи во...

Преку вмрежување до посилно граѓанско општество

Преку вмрежување до посилно граѓанско општество

На 24 декември 2024 во Ресурсниот центар во Гостивар се одржа регионална средба за вмрежување организирана од страна на тимот на проектот „ЕУ поддршка за Граѓанскиот ресурсен центар – фаза 2”. Средбата претставуваше можност за граѓанските организации од регионот да...