Македонскиот центар за меѓународна соработка во рамки на програмата Граѓански ресурсен центар, финансирана од Европската Унија, распишува отворен повик за избор на обучувач за спроведување на обука за обучувачи.
Една од главните цели на Граѓанскиот ресурсен центар е обезбедување поддршка за градење капацитети на граѓанските организации за тие да бидат ефективни и отчетни независни актери во македонското општество. Една од активностите кои треба да придонесат кон оваа цел се и доделените осум грантови за организациски развој за зајакнување на капацитетите на малите организации кои делуваат на локално ниво со поддршка на други поразвиени граѓански организации – менторски организации преку партнерство, соработка и заедничко учење.
За да им се обезбеди поддршка на вклучените организации како и да се обезбеди воедначен пристап во процес на поддршка, Граѓанскиот ресурсен центар предвидува дводневна обука за сите организации корисници на грантовите, вклучително и менторските организации. Оваа обука е планирана за втората половина од септември 2019. Избраниот обучувач ќе има работен ангажман од 4 дена, односно 1.5 дена за подготовка на обуката, два дена за спроведување и половина ден за известување.
Успешниот кандидат треба да ги исполнува следните критериуми:
- Да има завршено високо образование и стекната диплома од релевантната област
- Да има најмалку 10 години професионално искуство во граѓанско општество
- Да има најмалку 8 години професионално искуство во спроведување обуки
- Да има спроведено најмалку три обуки на темата за која се пријавува
- Да поседува солидни комуникациски, презентациски и фацилитаторски вештини
Постапка за изразување интерес
Со цел да се пријавите за обучувач, треба да испратите:
- Писмо за изразување интерес, заедно со финансиска понуда изразена во нето сума по ден;
- Предлог дневен ред за дводневната обука за обучувачи;
- Професионална биографија;
- Три препораки/референци од слични работни ангажмани
Рок за пријавување на отворениот повик е 30 август 2019 година. Целосната документација за изразување интерес треба да биде испратена на [email protected].
Доколку имате прашања поврзани со повикот може да ги поставите на: [email protected] до 26 август 2019 година.
Изборот на обучувач ќе биде направен на почетокот од септември 2019 година врз основа на претходно утврдени критериуми.
