Делегацијата на Европската Унија во Република Северна Македонија започнува онлајн консултации за граѓанското општество и другите засегнати страни, заинтересирани да придонесат за дефинирање на приоритетните теми и други важни елементи на претстојниот Повик за предлози во рамките на ИПА III Инструмент за поддршка на граѓанското општество и медиуми 2021 – 2022. Оваа онлајн консултација е отворена од 2-ри до 24-ти февруари.
Повикот за предлози треба да го одразува новиот стратешки пристап на ЕУ за регионот на проширување, утврден во програмската рамка на Инструментот за претпристапна помош (ИПА III) и во Економскиот и инвестицискиот план за Западен Балкан (ЕИП) за 2020 година. Оваа нова рамка ги идентификува клучните области на политиката со цел да се унапреди социо-економскиот развој, да се обезбеди долгорочно закрепнување на регионот и да се придвижи напред на патот кон ЕУ.
Во овој контекст, граѓанските организации (ГО) имаат круцијална улога во идентификување на клучните области на политиката и вклучување во донесување политики и одлуки во различни тематски области. За таа цел, Европската комисија програмираше суштинска поддршка за граѓанските и медиумските организации преку ИПА Програмата Инструментот за поддршка на граѓанското општество и медиуми. Во овој контекст, овој Повик за предлози има намера да го поддржи вклучувањето на ГО во наведените области на политиката и да ги зајакне партиципативните демократии во земјата. Објавувањето на повикот е планирано за првиот дел од 2022 година.
Ве молиме да го пополните Прашалникот најдоцна до четврток, 24-ти февруари 2022 година, крај на работно време, за да може вашиот придонес да биде земен предвид во Упатствата на Повикот.
Прашалникот е достапен на https://mcms.limequery.com/233256?lang=mk
