Граѓанските организации одговорија на COVID-19

Во кризната состојба предизвикана од COVID-19, граѓанските организации се меѓу првите кои ја препознаа итноста и покажаа голема солидарност при обезбедување поддршка на маргинализираните групи и ранливите заедници.  Многумина ја препознаа итноста, презедоа чекори за солидарност во нивните заедници и најдоа начини да бидат корисни за нивните целни групи. Организациите се приспособија на новонастанатата ситуација и ги пренасочија своите редовни активности, а некои и своите проектни активности, за да одговорат на потребите на луѓето при справување со пандемијата COVID-19.  

Црвениот крст со своите општински организации, но и организации како Банка за храна-МК, Вистински дела на љубезност, Аваја, повеќебројни ромски организации и многу други спроведоа безброј активности за обезбедување и дистрибуција на хуманитарна помош до најранливите категории. Оваа хуманитарна помош често е обезбедена и од бизнис заедницата, која што покажа голема солидарност и соработка со граѓанските организации во состојба кризна и за самите бизниси. 

Иако мобилните тимови на Црвениот крст го имаа приматот, сепак многу локални и национални организации несебично пристапија кон обезбедување услуги за логистичка поддршка на ранливи целни групи од населението прекунабавка на лекови, прехранбени производи и средства за лична хигиена и достава на истите до домовите на стари, изнемоштени лица кои живеат сами, хронично болни, семејства со лица со посебни потреби и други ранливи категории граѓани.

Активности на граѓанските организации

Проблемот на неинформираност на граѓаните, пред се најранливите категории во голема мера беше адресирано од граѓанските организации преку нивно подготвување и споделување на информации, соопштенија, совети и насоки за здравствена заштита и справување со кризната состојба предизвиканата од COVID-19 до целните групи.

Организациите кои обезбедуваат бесплатна правна помош во рамки на своите редовни активности или имаат друга соодветна експертиза брзо реагираа и ги пренасочија своите активности на обезбедување бесплатна правна помош, психолошка поддршка и други СОС линии за поддршка за соодветните целни групи во кризната состојба како и сервиси за помош и поддршка на жртви на семејно насилство.

Организации што работат на истражувања и анализи, оние кои го следат работењето на владата или прават редовни мониторинзи на почитувањето на основните човекови права како и многу други организации во овој период изготвија и споделија повеќе анализи и истражувања за влијанието на COVID-19 во соодветните области.  Сепак, организациите не само што истражуваа туку и реагираа до државните институции за прашања за кои сметаа дека имаат експертиза и можат да помогнат како подобро заедно да се справиме сите со кризната состојба. Индивидуални организации, платформи и мрежи како и неформално организирани групи на организации подготвија и испратија заеднички предлози, реакции, барања до државните институции.  Со тоа организациите покажаа дека се отворени за меѓусебна соработка и заедно да настапат пред владините институции за прашања и барање клучни за доброто на целните групи и на граѓаните општо.  

Не треба да се изостават и заборават напорите и иницијативите на низа организации кои работеа на обезбедување на алатки, едукативни и ресурсни материјали за целните групи.

Ова се само дел од активностите и иницијативите преземени од граѓанските организации за справување со кризата предизвикана од COVID-19 во март-април 2020. Повеќе информации за низа други акции се достапни на: https://civicamobilitas.mk/covid-19/ како и на веб-станиците и социјалните медиуми од граѓанските организации.

Информации за COVID-19

• Институт за комуникациски студии, Поважни мерки против корона вирусот на едно место
• Македонско здружение на млади правници, Твоите права и обврски во услови на КОВИД-19
• Здружение на граѓани за ретки болести ЖИВОТ СО ПРЕДИЗВИЦИ Битола, Препораки за пациенти со ретки болести во услови на пандемија со Covid 19
• БОРКА – За секој нов ден, Информации поврзани со ракот и коронавирус; Хемотерапија и коронавирус
• Национално здружение за мултипла склероза, Совети за лицата со мултипла склероза (МС) поврзани со КОВИД-19
• Здружение ЕСЕ, Совети за тоа како треба да се зборува за новиот коронавирус со децата, семејството, пријателите и лицата од вашата заедница; Информации за лица кои се грижат за заболени лица од КОВИД –19 во домашни услови и др.
• Институт за човекови права, Човекови права во време на КОВИД-19
• Конект, Препораки за општествено одговорните компании во време на коронвирусот
• Бизнис Конфедерација на Македонија, Водич за работодавачи за управување на работното место за време на КОВИД – 19; Прирачник за постапување на компаниите поради појава на пандемија – КОВИД – 19
• Македонско здружение за заштита при работа, Препораки за превенција на вработени во администрација/канцелариско работење;
• ХОПС, Сите побитни известувања за социјална заштита на едно место

Правна помош, СОС линии

• Хелсиншки комитет за човекови права
• Македонско здружение на млади правници, Бесправна правна помош за баратели на азил и бегалци во Република Северна Македонија
• Мултикултура
• Едукативно-хуманитарна организација ЕХО, Штип
• Линија за поддршка на работниците на кои е потребна советодавна помош за нивно понатамошно постапување пред работодавачите и институциите
• БОРКА – За секој нов ден, СОС линија за поддршка на пациентите заболени од канцер 
• Елипса Куманово, Бесплатна телефонска линија за психолошка поддршка на сите граѓани, посебно на ранливите групи
• ЗГ Поддршка Гевгелија, Телефони за психолошка поддршка
• Здружение на граѓани за ретки болести ЖИВОТ СО ПРЕДИЗВИЦИ  Битола, Линија за помош – достапни психолози и психотерапевти
• Комора на психолози на Република Македонија, Список на достапни лиценцирани психолози кои ќе дадат психолошка подршка на лицата во карантин и лицата кои се доброволно во изолација
• ЛГБТ Јунајтед, Бесплатна линија за психолошка поддршка на ЛГБТИ лицата за време на КОВИД-19
• Хера, Сервиси на ХЕРА за ХИВ, сексуално и репродуктивно здравје и родово засновано насилство
• Социјалните бизниси во служба на маргинaлизирaните во време на КОВИД-19

Заштита од семејно насилство

• Кризен центар Надеж, СОС телефон (02)15 315
• Национален сојуз за родова рамноправност, СОС телефон (070/075/077)141 700
• Национална мрежа против насилство врз жени и семејно насилство
• Контакт телефони до сите центри кои нудат помош на жртвите на семејно насилство или оние кои се под ризик од семејно насилство
• Хелсиншки комитет за човекови права, Центар за бесплатна правна помош (02)3119-073; (02)3290 469
• Организација на жени на Скопје, СОС телефон (02)15700
• Коалиција Сите за правично судење
• Прв семеен центар (02)3200-007
• ОЖ Свети Николе, Центар за бесплатна правна помош (032)444 620
• Флоренс Најтингел – Куманово, Центар за бесплатна правна помош (031)414 291
• http://www.reagiraj-bidibezbedna.mk/

Подготвени и споделени анализи и истражувања за влијанието на COVID-19

• Хелсиншки комитет за човекови права, Месечен информатор за дискриминација за март 2020; Месечен извештај за човековите права во РСМ, март 2020
• Институт за европска политика, По разнишани скалила: За човековите права и КОВИД-19 во Северна Македонија по дерогирањето од Европската конвенција за човекови права
• Ромалитико, Истражување за состојбата и ставовите за време на кризата со КОВИД 19 (коронавирус)
• Рурална коалиција, Анализа за родовата еднаквост во рурални средини во услови на криза
• Младиинфо интернационал, Извештај за предизвиците и потребите на младинскиот граѓански сектор за време на КОВИД-19 пандемијата
• Finance Think, Економското влијание од кризата – ставови и мислења
• З.Г. НЕКСУС – Граѓански концепт, Kонтинуиран мониторинг на вести за COVID19 и други актуелни теми за детектирање на дезинформациите
• Отворена порта-Ла Страда, Влијанието на COVID-19 врз заштитата на правата на жртвите на трговија со луѓе и експлоатација
• Фондација Метаморфозис, Политиката за приватност на апликацијата StopKoronа! во согласност со принципот на транспарентност при обработка на личните податоци
• Центар за граѓански комуникации, Мониторинг на итните јавни набавки поврзани со заштита од КОВИД-19
• Македонски центар за меѓународна соработка,  Борбата против корупција во време на криза низ призмата на мерките на Владата

Подготвени и испратени предлози, реакции, барања до државните институции

• Информација за преземени мерки од страна на здруженијата и фондациите во справувањето со пандемијата Covid-19 и барање за вклучување на претставници на здруженијата и фондациите во соодветните „антикризни тела“
• КОВИД-19 – Барања и итни препораки испратени до надлежните институции за превземање на итни мерки за заштита во услови на криза и вонредна состојба
• Млади во криза – итни препораки за намалување на негативните ефекти од Ковид-19 кризата врз младите
• Национална Мрежа против насилство врз жени и семејно насилство, Барање за итно дополнување на Одлуката за забрана за движење на граѓаните на целата територија на Државата
• Прва детска амбасада Меѓаши, Барање до МОН за повеќе внимание кон потребите на децата во периодот на пандемијата
• Анима Мунди, Барање до Владата да биде дозволено шетање на миленик (куче) во близина на местото на живеење
• Здружение на новинари на Македонија, Барање од Владата на РСМ за финансиска поткрепа на новинарите и медиумските работници како интервентна мерка
• Коалиција “Сите за правично судење”, Јавен повик за превенирање на потенцијална и сериозна инфекција со КОВИД-19 во установите каде се наоѓаат лица лишени од слобода
• Македонско здружение за заштита при работа, Барање за конкретни препораки за спроведувањето на Законот за безбедност и здравје за време на КОВИД-19 кризата
• Реактор – Истражување во акција, Апел до Владата и институциите за достапноста, функционалноста и ефикасноста на институциите во овој кризен период
• Хелсиншки комитет за човекови права, Барања до Владата за заштита на работниците и сиромашните

Алатки, едукативни и ресурсни материјали за целните групи

• ТАКСО3, Digital Tools for Online Work and Remote Collaboration
• Младиинфо, Онлајн ресурси на различни теми
• Здружение на граѓани Еко-логик, Онлајн алатка за неформални активности за надополнување на тековната училишна програма
• Здружение на новинари на Македонија, Корисни дигитални алатки за работа од дома
• Младински образовен форум, Серија извонредни предавања за млади
• Здружение “Интеракција плус” – Скопје, Онлајн логопедски часови, со цел децата да не бидат исклучени од процесот на говорно-јазичната едукација и рехабилитација
• МАСИТ, Дигитални алатки за поддршка за време на COVID – 19
• Национално здружение за мултипла склероза, Дигитални алатки и ресурси кои може да им бидат корист на луѓето со мултипла склероза за време на коронавирусот
• Фондација Метаморфозис, Отворени образовни ресурси