На состанок кој се одржа во Граѓанскиот ресурсен центар на 12.06.2019 година, 8 граѓански организации потпишаа Договор за грант како дел од грантовата шема „Партнерски грантови за организациски развој“. На состанокот присуствуваа и претставници од партнерските организации кои ќе обезбедат менторска поддршка за добитниците на грант:
| бр. | Главен апликант | Град | Партнер | Град |
| 1 | Нексус – граѓански концепт | Скопје | Центар за управување со промени – ЦУП | Скопје |
| 2 | Здружение на правници „Легал Тхинк“ | Штип | Фондација за развој на локална заедница – ФРЛЗ | Штип |
| 3 | Англунипе | Тетово | Асоцијација за демократски развој на Ромите – Сонце | Тетово |
| 4 | ЦСРД Призма | Скопје | Форум ЦСИД | Скопје |
| 5 | Здружение на граѓани Велес Бајкинг | Велес | Центар за економски анализи – ЦЕА | Скопје |
| 6 | Мрежа на млади фармери | Дебарца | Рурална коалиција | Куманово |
| 7 | Здружение на граѓани „Нов мост“ | Прилеп | Здружение „Мировна акција“ | Прилеп |
| 8 | Центар за образовни и развојни иницијативи ИНОВА ЛАБ | Битола | Здружение Младински Совет | Прилеп |
Со помош на овие грантови малите организации кои делуваат на локално ниво со поддршка од своите партнерски организации, преку соработка и заедничко учење ќе ги зајакнат своите капацитети во период од 6 до 9 месеци. Тие ќе подготват стратешки планови, планови за прибирање на финансиски средства, планови за односи со јавност и други организациски документи, чија подготовка ќе биде проследена со зајакнување на своите капацитети преку работилници и обуки и нивна целосна вклученост во развојот на организациската структура на своите организации.
На повикот пристигна вкупно 31 апликација, од кои 19 ја поминаа административната проверка и проверка на подобност и беа бодувани од комисијата за квалитет.
Овие грантови се доделуваат преку програмата „Национален ресурсен центар за граѓански организации“ спроведувана од Македонски центар за меѓународна соработка (МЦМС), Асоцијација за демократски иницијативи (АДИ) од Гостивар и Медиа Плус од Штип, а финансирана од ЕУ.
