Димитров пред штипските граѓански активисти најави дигитализација на процедурите во СЕП

10 Дек 2020

На средбата на штипските граѓански организации со вицепремиерот за европски прашања, Никола Димитров што се одржа во Граѓанскиот ресурсен центар во Штип, токму долгото чекање на една обична процедура во Секретаријатот за европски прашања (СЕП), беше истакнато како еден од проблемите со кои се соочуваат граѓанскиот сектор.

-Тоа е непотребно губење време за еден обичен документ, што некогаш може да трае и до два – три месеци, рече на средбата, Ерол Адемов од Здружение на мултиетничко општество за човекови права.

Вицепремиерот Димитров одговори дека овие документи ги работи само еден службеник, а барањата на граѓанските организации се повеќе стотина. Затоа, во СЕП се работи на дигитализација на издавањето на документите.

-Преку проект поддржан од Британската амбасада и една македонска граѓанска организација работиме на дигитализација. Со тоа, аплицирањето ќе биде електронски, а документите ќе се издаваат за два до три дена, кажа Димитров.

Присутните граѓански активисти истакнаа повеќе проблеми, како сложеното аплицирање и раководење со европските проекти, администрирање што е еднакво и за големите и малите организации, кои главно работат регрантирање. Ја истакнаа потребата од почести повици од Владата за граѓанските организации, кои имаат да понудат добри идеи во функција на заедницата. Потоа, беше забележано на концентрација на доделувањето на проектите на организации во Скопје, поради што, граѓанскиот сектор во внатрешноста на државата е сведен на минимум.

-Од посетите на мобилниот центар и редовните контакти, евидентно е дека се помал број организации се активни во источниот дел на државата, што само по себе говори за замрениот граѓански активизам. Чести се реакциите на организациите од регионот дека потешко доаѓаат до донаторите и имаат потреба континуирано од обуки, бидејќи немаат доволно капацитети да работат поголеми проекти, поради што младите волонтери се обесхрабруваат, го пренесе искуството од терен Слободанка Блажевска, раководител на ресурсниот центар во Штип.

Организирањето на настанот беше поддржано од Граѓанскиот ресурсен центар, проект финансиран од Европската Унија а спроведуван од Македонски центар за меѓународна соработка во партнерство со Медиа плус од Штип и Асоцијација за демократски иницијативи од Гостивар.

Предизвиците на локалните организации во  Македонски Брод

Предизвиците на локалните организации во  Македонски Брод

На 1 декември 2023 година, локалните организации и активистите од општина Македонски Брод се информираа за актуелните случувања на национално ниво за развој на граѓанското општество, можностите за финансирање и јакнење на граѓанските организации, можностите што ги...

Повеќе знаења и вештини за пишување проектни апликации за 16 граѓански активисти

Повеќе знаења и вештини за пишување проектни апликации за 16 граѓански активисти

Граѓанскиот ресурсен центар (ГРЦ) продолжува да ги јакне граѓанските организации. На 23-24 ноември 2023 во Штип се одржа втората од планираните четири, Работилница за планирање проекти и пишување на проектни апликации. Оваа работилница се одржа како последователна...

Share This